Árásum á Homs haldið áfram

Stjórnarherinn í Sýrlandi hefur í dag haldið áfram árásum á borgina Homs og fleiri borgir sem hafa verið vígi mótmælenda í landinu síðustu mánuði. Að minnsta kosti fimmtíu hafa fallið í Homs í dag að því er Sky fréttastofan hefur eftir mótmælendum í borginni. Árás hersins er viðamikil og hafa hermennn látið til skarar skríða í tólf hverfum á sama tíma.

Þá er fullyrt að sprengjum hafi verið varpað á íbúðasvæði og á bráðabirgðaspítala uppreisnarmanna. Stjórnvöld hafa hinsvegar neitað því að hafa beitt stórskotaliðsárásum og segja sprengingar í borginni vera af völdum hryðjuverkamanna.