Rússar mótmæla í frosthörkum

Tugir þúsunda mótmæltu í Moskvu í dag en þess er krafist að Vladimír Pútín dragi forsetaframboð sitt til baka. Skipuleggjendur mótmælanna segja að 120.000 manns hafi verið á mótmælunum.

Þetta eru þriðju mótmælin sem skipulögð hafa verið gegn Pútín. Yfirvöld Moskvu segja að mótmælin í dag sé þau stærstu hingað til.

Miklar frosthörkur eru í Rússlandi en það virðist ekki hafa haft áhrif á mótmælendur.

Forsetakosningarnar fara fram í næsta mánuði. Pútín mælist efstur í skoðanakönnunum og trónir yfir mótframbjóðendum. Sérfræðingar segja að Pútín hafa góða möguleika á að ná 50% atkvæða og sigri þannig í fyrstu lotu kosninga.