Grikkir samþykkja sparnað í skugga mikilla mótmæla

Gríska þingið samþykkt naumlega seint í gærkvöldi nýtt niðurskurðarfrumvarp ríkisstjórnarinnar.

Tugþúsundir Grikkja mótmæltu þessu frumvarpi í miðborg Aþenu langt fram á kvöldið þar sem mólotovkokteilum var kastað að lögreglunni sem svaraði fyrir sig með táragasi og vatnsbyssum gegn mannfjöldanum.

Samkvæmt frumvarpinu á að spara 18,5 milljarða evra á næstu árum en það felur m.a. í sér hækkanir á ellilífseyrisaldri, skattahækkanir og fækkun á opinberum starfsmönnum.

Samþykkt frumvarpsins var skilyrði fyrir áframhaldandi neyðaraðstoð til Grikklands af hálfu Alþjóðagjaldeyrissjóðsins og Evrópusambandsins.