Erlent

Obama fagnar Kony 2012 herferðinni

Barack Obama, Bandaríkjaforseti, fagnar Kony 2012 herferðinni og segir kvikmyndagerðamennina sem standa að baki verkefninu hafa unnið mikið afrek.

Heimildarmyndin Kony 2012, sem framleidd var af þremur bandarískur kvikmyndargerðarmönnum, varpar ljósi á voðaverk Josephs Kony, leiðtoga Lord Resistance Army (LRA) í Úganda. Heimildarmyndin hefur farið eins og eldur um sinu á internetinu og hefur myndin fengið tæplega 50 milljón áhorf á vefsíðunni YouTube.

Jay Carney, talsmaður ríkisstjórnar Obama, sagði að Bandaríkjaforseti sé afar þakklátur fyrir framlagið. „Hundruðir þúsunda Bandaríkjamanna hafa sýnt málinu áhuga og við erum þakklát fyrir það," sagði Carney á blaðamanna fundi í gær.

„Myndbandið varpar ljósi á voðaverk LRA og er í takt við áherslur ríkisstjórnarinnar," sagði Carney.

Árið 2010 sendu yfirvöld í Bandaríkjunum hundrað hermenn til mið-Afríku, í þeim tilgangi að berjast gegn LRA og handsama Joseph Kony.

Hægt er að sjá Kony 2012 hér fyrir ofan.


Tengdar fréttir

Kony 2012 veldur fjaðrafoki í Úganda

Heimildarmyndin Kony 2012, sem hefur fengið rúmlega 32 milljón áhorf á internetinu, hefur valdið talsverðum deilum í Úganda. Hjálparsamtök þar í landi segja að myndin birti ranga mynd af landinu.

Myndband sem tröllríður netheimum - Veist þú hver Joseph Kony er?

Þeir sem hafa verið inn á samskiptasíðum á borði við Facebook og Twitter í dag hafa eflaust orðið var við herferðina um að gera Joseph Kony frægan. Nú hafa nokkrir Íslendingar tekið sig til og stofnað síðu á Facebook sem ber heitið "Making Kony Famous Icelandic Style 2012".

Mest lesið


Fleiri fréttir

Sjá meira


×

Mest lesið