Arnar leggur skóna á hilluna

Knattspyrnumaðurinn Arnar Gunnlaugsson hefur endanlega lagt skóna á hilluna.Þetta staðfesti hann í samtali við fréttastofu í dag og sagðist vera sáttur að hætta á þessum tímapunkti eftir gott tímabil með með Fram í fyrra.

Arnar tjáði Þorvaldi Örlygssyni þjálfara ákvörðun sína í síðustu viku.

Arnar lék með þrettán félögum á ferlinum sem spannar rúm tuttugu ár. Hann gerði garðinn frægan með Skagamönnum og síðan með félögunum eins og Feyenoord Bolton og Leicester.

Hann lék einnig meðal annars með FH, KR og Val. Hann er einn mesti markaskorari Íslands frá upphafi. Arnar verður 39 ára á morgun en tvíburabróðir hans Bjarki æfir með FH af fullum krafti.