Depardieu mun leika Strauss-Kahn

Franski leikarinn Gerard Depardieu mun leika Dominique Strauss-Kahn í væntanlegri kvikmynd. Myndin mun fjalla um kynlífshneyksli sem leiddu til þess að Strauss-Kahn sagði af sér sem forstjóri Alþjóðagjaldeyrissjóðsins.

Það er bandaríski kvikmyndargerðamaðurinn Abel Ferrera sem mun sjá um leikstjórn myndarinnar. Hann tilkynnti um leikaravalið í dag. Leikkonan Isabelle Adjani verður í hlutverki Anne Sinclair, eiginkonu Strauss-Kahn.

Strauss-Kahn sagði starfi sínu hjá Alþjóðagjaldeyrissjóðnum lausu í maí á síðasta ári eftir að hafa verið sakaður um að hafa nauðgað þernu á hóteli í New York.

Ferrera sagði að tökur muni fara fram víða um heim. „Við munum taka upp í öllum helstu valdastofnunum heims," sagði Ferrera. „Myndin fjallar um hina ríku og valdamiklu."

Þó svo að Ferrera sé ekki frægur leikstjóri þá nýtur virðingar í kvikmyndaiðnaðinum í Bandaríkjunum. Einn helst er hann þekktur fyrir tímamóta kvikmyndina Bad Lieutenant frá árinu 1992.