Sonur Atla Eðvaldssonar farin frá FH yfir í KR

Emil Atlason hefur ákveðið að skipta úr FH yfir í KR í fótboltanum en þetta kemur fram á heimasíðu KR. Emil Atlason er 19 ára gamall og spilar framarlega á miðjunni eða sem framherji. Hann er sonur Atla Eðvaldsson, fyrrum atvinnumanns og landsliðsfyrirliða og er yngri bróðir landsliðskonunnar Sifjar Atladóttur og Egils Atlasonar sem hefur spilað lengst með Víkingum.

Emil hefur leikið alla tíð með FH en fer nú yfir í KR eins og bæði faðir hans og systir gerðu á sínum tíma. Eldri bróðir hans, Egill Atlason, spilaði einnig með KR á árunum 1999 til 2001.

Emil æfði með KR í vetur og lék með meistaraflokksliðinu í æfingaleik gegn Víkingi í byrjun desember en Egill bróðir hans spilaði þá einmitt með liði Víkinga. Emil varð Íslandsmeistari með 2. flokki FH síðasta tvö sumur en hann skoraði 13 mörk í 16 leikjum á Íslandsmótinu í fyrrasumar.