Þröngvaði sér inn í skólann

Allt bendir til þess að ódæðismaðurinn sem réðist inn í grunnskóla í Bandaríkjunum í gær og drap tuttugu börn og sex fullorðna hafi þröngvað sér inn í bygginguna. Þetta kom fram í máli Paul Vance, sem stjórnar rannsókn á árásinni, á blaðamannafundi í dag.

„Það lítur út fyrir að honum hafi fyrst verið meinaður aðgangur en hann hafi þá ruðst inn," sagði Vance á fundinum.

Á fréttavef BBC er rætt við kennarann Kaitlin Roig sem var stödd í nálægu herbergi í skólanum þegar árásin átti sér stað, en hún varði aðeins í nokkrar mínútur inni í tveimur herbergjum í byggingunni.

Þegar kennarar annars staðar heyrðu skothvellina óma um bygginguna reyndu þeir að vernda börnin með því að koma þeim fyrir í skápum og læsa öllum dyrum.

„Ég sagði þeim að hafa alveg hljóð," segir Kaitlin. „Ég sagði börnunum að mér þætti óhemjuvænt um þau öll og allt myndi fara vel, því ég hélt jafnvel að þetta yrðu síðustu orðin sem þau myndu heyra."

Þjóðarsorg ríkir í Bandaríkjunum vegna árásarinnar og Barack Obama, forseti hefur sagt að nauðsynlegt sé að grípa til ráðstafana til að koma í veg fyrir skotárásir. „Sem þjóð höfum við þurft að ganga í gegnum þetta of oft," sagði hann í ræðu í Hvíta húsinu.