Eitt elsta fyrirbæri alheimsins ljósmyndað

Sjónaukinn MPG/ESO í La Silla, stjörnustöð ESO í Chile, hefur náð ótrúlegri mynd af einu elsta fyrirbæri alheimsins, kúluþyrpingunni NGC 6362.

Þyrpingar af þessu tagi eru að mestu úr aldurhnignum stjörnum og það í tugþúsundatali. Einnig er þar að finna stjörnur sem virðast óvenju unglegar. Þar eru síðan margar gulleitar stjörnur sem gengið hafa í gegnum mestallt æviskeið sitt og eru orðnar að rauðum risum.

Engu að síður eru kúluþyrpingar ekki aðeins óbreytanlegar fornleifar. Í þessum þéttu stjörnuhópum á sér stað einstök virkni. Til að mynda eru margir bláir flækingar, gamlar en þó unglegar stjörnur, í NGC 6362.

Allar stjörnur í kúluþyrpingum urðu til úr sama efni og það samtímis, eða fyrir um 10 milljörðum ára. Samt sem áður eru bláir flækingar blárri og bjartari en þeir ættu að vera eftir tíu milljarða ára þróun.

Stjörnufræðingar vilja nú ráða leyndardóma þessa flækinga. Tvær meginkenningar eru á lofti um tilurð þeirra. Annars vegar stjörnur sem rekast saman og sameinast. Hins vegar efnisflutningur milli tveggja stjarna.

Hægt er að lesa nánar um NGC 6362 á Stjörnufræðivefnum.