Vetrarkuldi og ný lægð

Hátt í 40 þúsund New York búar glötuðu heimilum sínum þegar stormurinn Sandy reið yfir austurströnd Bandaríkjanna í síðustu viku.

Michael Bloomberg, borgarstjóri í New York, sagði í dag að nauðsynlegt væri að skjóta skjóli yfir þetta fólk enda spáir afar köldu veðri næstu daga.

Íbúar New York hafa margir hverjir hamstrað bæði eldsneyti og mat síðustu daga. Ríkisstjóri New York, Andrew Cuomo, hefur heitið því birgðum og öðrum nauðsynjum verði komið til borgarbúa.

Til að bæta gráu ofan á svart spá veðurfæðingar í Bandaríkjunum nú að ný lægð sé að myndast við suðausturströnd landsins.

Hún gæti valdið miklu roki og illviðri á næstu dögum. Þessa nýja lægð gæti valdið flóðum í New Jersey en ríkið varð afar illa úti þegar stormurinn Sandy gekk á land síðastliðinn mánudag.