Ráðherra í ástarsambandi við átta karlmenn

Rachida Dati, fyrrverandi dómsmálaráðherra Frakklands, átti í sambandi við átta karlmenn, umþaðbil sem hún varð þunguð af barni, sem hún ól fyrir þremur árum. Frá þessu var greint nýlega þegar leit hennar að föðurnum hófst.

Margmilljarðamæringurinn Dominique Dessegne er einn þeirra sem kemur til greina en hann neitar því að gangast undir DNA próf til þess að hægt sé að fá nánar úr því skorið. Dati hefur nú stefnt honum fyrir dómstóla til þess að fá málin á hreint en þau munu hafa átt í eldheitu sambandið árið 2008.

Desseigne neitar þessu hins vegar og sagði í tímaritsviðtali núna um helgina að hann hafi verið einn af mörgum sem hafi átt í sambandi við Dati á þessum tíma. Hann viti því ekkert hvort hann sé faðir barnsins. Lögmenn hans hafa bent á gögn þess efnis að Dati hafi verið í sambandi við átta menn, alla þekkta sjónvarpsmenn, stjórnmálamenn eða menn úr viðskiptalífinu.

Á Daily Mail kemur fram að Dati hafi sannanir fyrir því að hún og Dessegne hafi átt í sambandi um það leyti sem barnið kom undir, en samkvæmt frönskum lögum getur hann engu að síður neitað að gangast undir DNA prófið.