Frakkar ætla að verða fordómalausasta ríki í heimi

Börn í Frakklandi fá sérstaka kennslu um lesbíur, homma, tvíkynhneigða og transfólk samvkæmt nýjum lögum sem franska ríkisstjórnin er með á teikniborðinu. Franska ríkisstjórnin er líka nýlega búin að kynna frumvarp til laga um að heimila giftingar samkynhneigðra. Atkvæði verða greidd um það frumvarp strax í byrjun næsta árs.

Najat Vallaud-Belkacem, jafnréttisráðherra Frakklands, segir að sex til sjö ára gömul börn muni fá kennslu um fyrrgreind atriði og hvernig það er að alast upp hjá samkynhneigðum foreldrum. Á vef The Christian Institute segir að franska ríkisstjórnin geri þetta vegna þess að hún vinni að því að gera Frakkland að fordómalausasta landi í heimi.