Romney með sigurræðuna tilbúna

Mitt Romney, forsetaefni Repúblikanaflokksins, er sigurviss svo um munar. Von er á fyrstu tölum von bráðar en frambjóðandinn hefur nú þegar ritað sigurræðu sína.

„Ég var að klára ræðuna," sagði Romney við fréttaritara AFP í kvöld. „Hún er 1.118 orð og mun örugglega taka breytingum áður en hún verður flutt. Fjölskylda mín og vinir fá að lesa hana yfir."

Það er á brattann að sækja fyrir Romney samkvæmt nýjustu skoðanakönnunum. Engu að síður segist Romney vera handviss um jákvæða útkomu í nótt.

„Sannfæring mín er í senn vitsmunalega og tilfinningaleg," bætti Romney við.