Fáir glaðari en Springsteen í dag

Fáir gleðjast meira yfir sigri Baracks Obama en tónlistarmaðurinn Bruce Springsteen. Hann hefur stutt Obama frá því að hann bauð sig fyrst fram árið 2008. „Það kemur ekkert á óvænt að Bruce taki þátt í pólitík, ef maður hlustar á tónlistina hans," segir Peter Ames Carlin rithöfundur sem hefur nýlokið við ævisögu hans.

Bruce Springsteen er einn af þekktustu tónlistarmönnunum sem tók afstöðu til frambjóðenda í forsetakosningunum.

„Pólitík og popptónlist er slæm blanda. En að sitja aðgerðarlaus hjá, er eins og að hundsa þær hugmyndir sem ég hef skrifað um svo lengi," segir Bruce Springsteen í ævisögunni.

Hann hefur þó ekki alltaf viljað tengjast pólitík. Þegar Ronald Reagan, fyrrverandi forseti, bað Springsteen um að fá að nota lag hans „Born in the USA," í kosningabaráttu 1984, neitaði hann. Það væri ekki gott að blanda saman pólitík og tónlist.

Springsteen skipti svo um skoðun þegar George Bush yngri ákvað að ráðast inn í Írak árið 2003 og kaus John Kerry í kosningunum ári seinna.

Meira má lesa um Obama og Bruce Springsteen hér.