Erlent

Sonur forsætisráðherrans heima þegar lífvörður svipti sig lífi

Jón Hákon Halldórsson skrifar
Fredrick Reinfeltd forsætisráðherra var ekki heima þegar atvikið varð.
Fredrick Reinfeltd forsætisráðherra var ekki heima þegar atvikið varð.
Sonur Frederiks Reinfeldt, forsætisráðherra Svíþjóðar, var staddur í íbúð forsætisráðherrans þegar lífvörður þar svipti sig lífi um hádegisbil að íslenskum tíma í dag. Samkvæmt sænska Aftonbladet var Reinfeldt sjálfur fjarverandi en sonurinn er nú í skýrslutöku hjá lögreglu þar sem hann er spurður út í atvikið.

„Það er hérna látinn maður. Það er ekkert sem bendir til þess að nokkuð saknæmt hafi átt sér stað. Þetta gæti hafa verið óhapp. Tæknimenn eru núna að rannsaka vettvang," segir Towe Häeg, upplýsingafulltrúi lögreglunnar í Stokkhólmi, við vefútgáfu norska blaðsins VG.

Það var vinnufélagi lífvarðarins sem kom að honum látnum þegar hann var að koma úr hádegismat.




Tengdar fréttir

Skaut sig á heimili sænska forsætisráðherrans

Karlmaður fannst látinn með alvarleg sár á heimili Fredriks Reinfeldts, forsætisráðherra Svíþjóðar, í dag. Eftir að maðurinn fannst var fjöldi lækna og lögregluþjóna kallaður á staðinn. Í blaðinu Expressen kemur fram að maðurinn sé öryggisvörður og Aftonbladet fullyrðir að maðurinn hafi skotið sjálfan sig. Fredrik Reinfeldt forsætisráðherra var ekki heima þegar atvikið varð, segir Marcus Friberg, upplýsingaráðherra forsætisráðherrans, í samtali við sænska ríkissjónvarpið.

Mest lesið


Fleiri fréttir

Sjá meira


×

Mest lesið