Veðbankar í Englandi spá: City vinnur aftur titilinn en hvar enda hin liðin?

Enska úrvalsdeildin fer aftur af stað um næstu helgi en Manchester City hefur þá titilvörn sína eftir dramatískan sigur á lokadegi síðustu leiktíðar. Veðbankar á Englandi hafa gefið út líkur liðanna tuttugu í deildinni á að vera enskir meistarar næsta vor.

Það kemur kannski ekki mörgum á óvart að Manchester City er spáð titlinum en verðbankar hafa síðan trú á því að Manchester United, Chelsea og Arsenal taka hin Meistaradeildarsætin og að Liverpool verði síðan fyrir ofan Tottenham.

Swansea City, Norwich City og Reading falla úr ensku úrvalsdeildinni samkvæmt þessari spá en nýliðar West Ham og Southampton munu hinsvegar bjarga sér frá falli. Reading eru nýliðar í deildinni en hin tvö "falliðin", Swansea City og Norwich City, slógu í gegn á sínu fyrsta ári á síðustu leiktíð.

Líkur á sigri í ensku úrvalsdeildinni 2012-2013:

1. Manchester City 6/5

2. Manchester United 5/2

3. Chelsea 9/2

4. Arsenal 12/1

5. Liverpool 16/1

6. Tottenham Hotspur 25/1

7. Newcastle United 150/1

8. Everton 250/1

9. Fulham 750/1

10. Sunderland 1000/1

11. Aston Villa 2000/1

11. Queens Park Rangers 2000/1

13. Stoke City 3000/1

13. West Bromwich Albion 3000/1

13. Wigan Athletic 3000/1

13. West Ham United 3000/1

17. Southampton 3500/1

18. Swansea City 4000/1

19. Norwich City 5000/1

19. Reading 5000/1