Fjölskyldur á slysstað

Fjölskyldur tuttugu og tveggja barna sem fórust í rútuslysi í Sviss á þriðjudagskvöld fóru í morgun á slysstað í undigöngum hraðbrautar í Valais kantónunni þar sem rútan klessti á vegg á miklum hraða.

Belgísk yfirvöld undirbúa nú að fljúga með lík barnanna heim til Belgíu en rannsóknarlögreglumenn reyna að komast að því hvað olli slysinu.

Alls létust tuttugu og átta í slysinu en um 24 börn eru slösuð, nokkur mjög alvarlega. Þetta er alvarlegasta umferðarslys í Sviss í áratugi en forsætisráðherra Belgíu hefur lýst yfir þjóðarsorg vegna atburðarins.