Fljúgandi fólk yfir New York

Auglýsingabrella hefur vakið mikla athygli á myndbandavefsíðunni YouTube. Myndbandið sýnir nokkrar fjarstýrðar flugvélar í mannslíki svífa yfir götum New York í Bandaríkjunum.

Auglýsingin var fyrir kvikmyndina Chronicle en hún fjallar um þrjá unglinga sem öðlast ofurmannlega krafta.

Framleiðendur kvikmyndarinnar ákváðu því að gefa New York-búum forsmekk á sæluna í síðustu viku. Myndbandið hefur fengið rúmlega 6 milljón áhorf.

Myndbandið hefur einnig vakið athygli í skemmtanaiðnaðinum í Bandaríkjunum og hafa þættir á borð The Today Show, Bloomberg News, NBC og Early Today fjallað um það.