Mitt Romney sigraði í Nevada

Mitt Romney, fyrrverandi ríkisstjóri Massachusetts, sigraði í forvali Repúblikanaflokksins fyrir forsetakosningar í Nevada í nótt.

Talningu atkvæða er ekki lokið en Romney hefur nú þegar lýst yfir sigri með 42% atkvæða.

Hann hafði áður sigrað í Flórída og New Hamshire en hann lenti í öðru sæti í forvalinu í Iowa.

Romney sigraði einnig í Nevada árið 2008 þegar hann sóttist eftir útnefningu Repúblikanaflokksins.

Næstur á eftir Romney var fyrrverandi þingmaðurinn Newt Gingrich en hann hlaut 26% atkvæða.