Obama sigurstranglegur í Ohio, Flórída og N-Karólínu

Útgönguspár gefa til kynna að Barack Obama, Bandaríkjaforseti, hafi sigrað í lykilríkjunum Ohio og Flórída. Obama mælist með 51 prósent atkvæða í Ohio ef marka má spár fréttastofunnar CNN á meðan forsetaefni Repúblikanaflokksins, Mitt Romney, mælist með 48 prósent.

Eins og staðan er núna mælist Obama með 79 kjörmenn á landsvísu á meðan Romney mælist með 73.

Obama er einnig með naumt forskot á Romney í Flórída. Þar mælist fylgi forsetans 50.5 prósent á meðan Romney er með 48.7 prósent.

Ohio gefur 18 kjörmenn á meðan Flórída gefur 29. Alls þarf 270 kjörmenn af 538 til að sigra í kosningunum.

Forsetinn er einnig sigurstranglegur í Norður-Karólínuríki. Hann mælist þar með 50.4 prósent atkvæða þegar búið var að telja 9 prósent atkvæða. Romey mælist með 48.7 prósent. Ríkið gefur 15 kjörmenn.

Obama sigraði í Ohio árið 2008, með 51.5 prósent atkvæða gegn 46.9 prósent hjá John McCain. Hið sama var upp á teningunum í Flórída. Obama hlaut þá 51 prósent atkvæða gegn 48.2 prósent hjá McCain.