Twitter gjörsamlega logaði

Það var nóg um að vera á Twitter í gærkvöldi og í nótt þegar forsetakosningarnar í Bandaríkjunum fóru fram. Barack Obama sigraði kosningarnar nokkuð örugglega en þegar spennan var sem mest var slegið met á samskiptasíðunni. Um klukkan ellefu, að staðartíma, voru sett inn um 330 þúsund skilaboð á síðuna á mínutu! Það er það mesta í sögu síðunnar - aldrei hefur eins mikil umferð verð á síðunni.

Það er ekki eina metið sem var slegið í gær því þegar að Barack Obama lýsti yfir sigri á Twitter í gærkvöldi með skilaboðunum: "Fjögur ár í viðbót" og lét fylgja mynd af honum faðma eiginkonu sína, urðu notendur síðunnar gjörsamlega óðir. Færslan var endursend (e.retweet) 500 þúsund sinnum á innan við tveimur klukkutímum - sem hefur aldrei gerst áður.

Þá hafa aldrei fleiri skilaboð verið sett inn á síðuna eins og í gær, eða yfir 31 milljón skilaboða.