Ný eyja að koma upp úr hafinu við Kanaríeyjar

Ný eyja er að koma upp úr hafinu undan ströndum Kanaríeyja. Neðanjarðareldgos hefur staðið yfir síðan í vor suður af eyjunni El Hierro og strókar úr gosinu ná nú upp undir yfirborð sjávarins.

Jarðfræðingar telja að gosið muni á næstu dögum ná upp úr yfirborði sjávar og þar með hefst myndun eyjarinnar.

Kanaríeyjabúar eru þegar farnir að ræða sín í milli um hvað hin nýja eyja komi til með að heita. Samhliða því að nýja eyjan er að rísa upp úr djúpinu hafa jarðskjálftar við hana orðið öflugri. Einn þeirra náði 4 stigum á Richter í síðustu viku.