Fékk röddina og sagðist elska pabba sinn

Fyrirburinn Bronte Cassell, nú tveggja ára, sagði sín fyrstu orð eftir að læknar fjarlægðu slöngu úr barka hennar. Hún sagðist elska pabba sinn.

Cassell fæddist 15 vikum fyrir tímann. Hún átti erfitt með öndun og læknar þurftu að þræða slöngu í háls hennar. Slangan lá fyrir neðan barkakýlið svo að hún gat ekki talað fyrstu tvö árin.

Með hjálp Noah, bróður hennar, lærði hún að nota fingramál til að tjá sig.

Foreldrar Cassell, þau Hellen og Martin, biðu í ofvæni eftir að læknar fjarlægðu slönguna úr hálsi dóttur sinnar. Þegar slangan var loks tekin horfði Martin á dóttur sína og sagðist elska hana. Dóttirin svaraði í sömu mynt.