Þoldi engar mótbárur

Norski landkönnuðurinn Roald Amundsen var maður ákveðinn, eins og leiðangrar hans gefa til kynna. Þau afrek sem hann vann hefðu ekki verið á færi neinnar geðluðru. Skapfestu hans er getið í dagbókum átta manna sem tóku þátt í leiðangri hans til Suðurpólsins árið 1911. Fram safnið í Noregi gefur út bækurnar, en safnið heitir eftir skipinu Fram sem Amundsen notaði í leiðangrinum.

Í dagbókarfærslu 19. nóvember árið 1910 segir Sverre Hassel frá því að Amundsen hafi lent í haðri deilu við annan leiðangrusmann, Olav Bjaaland. Amundsen reiddist svo að hann rak Bjaaland úr leiðangrinum. Hassel segir að þegar Bjaaland rann sjálfum reiðin hafi hann gengið á fund skipstjórans og beðið hann um að draga brottreksturinn til baka. Það gerði Amundsen en ítrekaði í leiðinni að hann þyldi engar mótbátur við ákvarðanir sínar.

Amundsen og félagar hans náðu Suðurpólnum 14. desember árið 1911.