Rússar skjóta ómannaðri eldflaug á loft

Rússar skutu ómannaðri eldflaug á loft í gær. Henni er ætlað að flytja tæplega þrjú tonn af mat, eldsneyti og vatni til Alþjóðlegu geimstöðvarinnar.

Áætlað er að eldflaugin, Progress 45, muni tengjast geimstöðinni á miðvikudaginn næstkomandi.

Geimskotið er önnur tilraun Rússa til að koma vistum til geimfara í Alþjóðlegu geimstöðinni en fyrri tilraunin endaði með hörmungum þegar eldflaugin hrapaði yfir Síberíu. Talsmenn Bandarísku geimferðarstofnunarinnar segja að geimförum í Alþjóðlegu geimstöðinni hafi hvorki skort vatn né mat.

Bill Gerstenmaier, stjórnandi mannaðra geimferða hjá NASA, segir að ef leiðangurinn heppnist þá sé mögulegt að hafa mannaskipti í geimstöðinni von bráðar.