Liverpool að reyna að fá Downing frá Aston Villa

Liverpool er að reyna að kaupa enska landsliðsvængmanninn Stewart Downing frá Aston Villa samkvæmt heimildum Skysports. Downing er markahæsti leikmaður Aston Villa á tímabilinu með fimm mörk og hefur verið með í öllum leikjum liðsins á leiktíðinni.

Downing er 26 ára gamall og kom til Aston Villa frá Middlesbrough fyrir aðeins átján mánuðum. Downing kostaði Aston Villa tólf milljónir punda á sínum tíma. Gerard Houllier, stjóri Aston Villa, vonaðist eftir því á dögunum að honum tækist að halda Downing á Villa Park.

Enskir miðlar skrifa um það að Aston Villa vanti nú pening til að fjármagna kaup sín á Darren Bent frá Sunderland. Það eru því meiri líkur á því að félagið sé tilbúið að selja Downing.

Downing er búinn að skora fimm mörk og gefa þrjár stoðsendingar í 21 leiki í ensku úrvalsdeildinni á þessu tímabili. Það er mun betra hjá honum en í fyrra þegar hann var með tvö mörk og eina stosðendingu í 25 leikjum.