Þingið rannsakar forseta

Íranska þjóðþingið hefur samþykkt að kalla Mahmoud Ahmadinejad forseta til yfirheyrslu, þar sem hann verður spurður bæði út í stefnu sína og út í grun um efnahagsmisferli.

Áður hefur þingið komist að þeirri niðurstöðu að efnahagsráðherra Ahmadinedjads hafi gerst sekur um efnahagsmisferli. Það mál er þó aðeins eitt af mörgum sem forsetinn er talinn vera flæktur í.

Harðar deilur hafa verið mánuðum saman milli Ahmadinedjads forseta og klerkastjórnar landsins, sem upphaflega kom honum til valda. Margir stuðningsmanna forsetans hafa verið handteknir eða hraktir úr embætti.- gb