Ingimundur Níels skorar bara á móti Víkingunum í deildinni

Fylkismaðurinn Ingimundur Níels Óskarsson er meðal markahæstu leikmanna Pepsi-deildar karla í sumar en hann hefur skorað sex mörk í tólf leikjum.

Þegar markatölfræði Ingimundar er skoðuð nánar kemur í ljós að hann hefur bara skorað í leikjunum á móti Víkingum deildarinnar það er liðum Víkings, Grindavíkur og Keflavíkur.

Ingimundur hefur skorað 6 mörk í 4 leikjum á móti fyrrnefndum liðum en á enn eftir að opna markareikning sinn á móti hinum átta liðum deildarinnar þrátt fyrir að hafa leikið í 639 mínútur á móti þeim. Ingimundur hefur líka átt 3 af 4 stoðsendingum sínum á móti Víkingum deildarinnar.

Ingimundur Níels í sumar:

Á móti Víkingum deildarinnar

Leikir 4

Mínútur 349

Mörk 6

Stoðsendingar 3

Þáttur í mörkum 9

Á móti öðrum liðum

Leikir 8

Mínútur 639

Mörk 0

Stoðsendingar 1

Þáttur í mörkum 1