Réttað yfir fyrrum fegurðardrottningu

Réttarhöld eru hafin yfir fegurðardrottningunni Angie Valencia í Argentínu en hún er fyrrum Ungfrú Kólombía.

Angie er sökuð um að hafa stjórnað smyglhring ungra kvenna sem smygluðu kókaíni til Evrópu í gegnum Mexíkó. Angie neitar sök og segir að hún hafi flutt til Argentínu til að giftast kærasta sínum en ekki til að smygla kókaíni.

Þess má geta að kærastinn hefur einnig verið ákærður fyrir stórfellt kókaínsmygl. Angie viðurkennir að hafa hringt nokkur símtöl fyrir kærastann en það hafi hún eingöngu gert vegna þess að hún elskar hann.