Beiðni um lögleiðingu kannabis hafnað

Yfirvöld í Bandaríkjunum hafa synjað nokkrum beiðnum um lögleiðingu kannabis síðan verkefnið „We the People" var sett á laggirnar. Í dag var því sjöunda synjað.

„We the People" er skipulagt af Hvíta húsinu og gefur hverjum sem er færi á að leggja fram beiðni til löggjafa í Bandaríkjunum. Nái beiðnir 5.000 undirskriftum tryggir Hvíta húsið að beiðnin verði skoðuð og fái viðbrögð.

Síðasta beiðnin sem fór undir skoðun hjá Hvíta húsinu varðaði lögleiðingu kannabis. Gil Kerlikowske, stjórnandi fíkniefnavarna hjá Hvíta húsinu, viðurkenndi að kannabis vandamálið yrði ekki leyst með handtökum, en lögleiðing efnisins yrði ekki til bóta fyrir Bandaríkin.

Beiðnir um lögleiðingu kannabis hafa alls safnað 150.000 undirskriftum.