Japanskur þingmaður manaður til að drekka geislavirkt vatn

Japanskur þingmaður hefur vakið mikla athygli fyrir það eitt að drekka glas af vatni. Forsaga málsins er sú að Yashuru Sonada, sem er einskonar talsmaður ríkisstjórnar Japans, hefur þráfaldlega svarað spurningum fréttamanna á þá leið að óhætt sé að drekka vatn í nágrenni kjarnorkuversins í Fukushima sem varð illa úti í kjölfar jarðskálftans sem reið yfir Japan í maí.

Á blaðamannafundi á dögunum mönuðu blaðamenn hann í að drekka vatn sem safnað hafði verið saman úr pollum við kjarnorkuverið. Sama vatn er notað til þess að vökva gras á svæðinu og hefur það verið harðlega gagnrýnt. Sonada ákvað því að drekka vatnið til að sýna fram á að það væri í lagi. Engum sögum fer af heilsu hans.