Græðir Eiður á því að Ba féll á læknisskoðun?

Er líf fyrir Eið Smára Guðjohnsen hjá Stoke? BBC telur svo, en bara þar sem Demba Ba fer ekki til félagsins.

Ba fell á læknisskoðun um helgina en búið var að ganga frá kaupverði við Hoffenheim og hann var tilbúinn að skrifa undir samninginn.

"Við erum mjög vonsviknir. Það var allt klárt fyrir hann til að koma en þetta er mjög leiðinlegt," sagði Tony Pulis.

Eiður hefur enn ekki byrjað leik fyrir Stoke frá því í ágúst og hefur raunar nánast verið frystur hjá félaginu að því er virðist.

Tuncay er annar framherji sem hefur ekki verið í náðinni en ef Pulis kaupir ekki meira í janúar gætu Eiður og Tuncay spilað einhverja rullu út tímabilið, segir á heimasíðu BBC.

Eiður hefur þó verið orðaður við brottför frá liðinu, eins og reyndar Tuncay.