Stórfelldur árekstur í Bretlandi

Að minnsta kosti 27 bílar rákust á í einum stærsta árekstri í manna minnum í Bretlandi á hraðbrautinni M5.

Þessi stórfelldi árekstur varð í gærkvöldi með þeim hætti að minnst 27 bílar rákust saman af miklum krafti. Í árekstrinum urðu nokkrar öflugar sprengingar. Samkvæmt upplýsingum lögreglu sátu einhverjir fastir í brennandi bílum sínum í lengri tíma. Lögreglumenn unnu í alla nótt að því að losa fólk.

Lögreglan hefur staðfest að nokkrir hafi látið lífið í árekstrinum. Þá voru 43 fluttir á spítala og allavega tíu eru þungt haldnir.

Mikil þoka var á svæðinu og vegurinn blautur. Að minnsta kosti tuttugu bílar og sex stórir flutningabílar lentu í árekstrinum.

Á þessari slóð má finna skýrari myndir af vettvangi árekstursins. Þar vekur sérstaka athygli að tveir flutningabílar í miðri klessunni eru rækilega merktir stórmarkaðakeðjunni Iceland, sem er í meirihlutaeigu Landsbankans.