Dalglish: Verður tilfinningaþrungið

"Þetta verður rómantískt og allt það, en staðreyndin er sú að við verðum að fara að vinna leiki," segir Kenny Dalglish sem stýrir Liverpool í fyrsta sinn á Anfield síðan hann tók við liðinu á nýjan leik.

Og það er stórleikur framundan, erkifjendurnir í Everton koma í heimsókn í dag.

"Þetta verður tilfinningaþrungin stund. Þetta þýðir að ég fæ að sitja nær vellinum," sagði hinn hressi Dalglish.

"En ég, leikmennirnir og allir erum að vinna að því að safna stigum. Það er það sem skiptir öllu máli," sagði Dalglish sem hefur tapað báðum leikjum síðnum með Liverpool hingað til, fyrir Manchester United í bikarkeppninni og fyrir Blackpool í deildinni.