Owen á óskalista Sunderland

Michael Owen er efstur á óskalista Sunderland í janúar. Steve Bruce vonast til að hreppa Owen að láni út tímabilið og gefa honum meiri tíma á vellinum en Sir Alex Ferguson.

Talið er að Owen vilji fá að spila meira en hann hefur gert hjá United. Hann hefur aðeins komið við sögu í níu leikjum á tímabilinu.

Bruce er þegar með nokkra fyrrum leikmenn United hjá Sunderland, meðal annars Danny Welbeck, Kieran Richardson og Phil Bardsley.

Þá er talið að United hafi áhuga á leikmanni Sunderland, hinum efnilega Jordan Henderson.