600 deildarleikir hjá Giggs - Jóga hjálpar

Ryan Giggs spilar sinn 600. leik í ensku úrvalsdeildinni fyrir Manchester United í dag, eða næst þegar hann tekur þátt í deildarleik. Hann hrósar jóga í hástert.

Giggs segir að jóga hjálpi sér við öndun og liðkunaræfingar hjálpi líkamanum einnig mikið.

Hann er orðinn 37 ára gamall en er enn í góðu formi. Hann segir að Roy Keane, Gary Neville og Mikaël Silvestre hafi allir byrjað í jóga á svipuðum tíma og hann með misjöfnum árangri.

Giggs er nú að gefa út DVD disk sem nefnist Giggs Fitness þar sem jóga kemur mikið við sögu.

"Þetta er klárlega lykilatriði í því hversu vel líkami minn heldur sér á þessum aldri," segir Giggs.

Manchester United mætir Tottenham klukkan 16.10 í dag.