QPR hefur gengið frá kaupum á framherjanum Tommy Smith sem hefur verið í láni hjá félaginu síðan í sumar.
Smith kom til QPR frá Portsmouth í lok sumars en hefur nú skrifað undir tveggja og hálfs árs samning við fyrrnefnda félagið. Kaupverðið er óuppgefið.
Smith er 30 ára gamall og hefur skoraði fjögur mörk á tímabilinu. Hann hefur átta sinnum verið í byrjunarliðinu og níu sinnum komið inn á sem varamaður.
Landsliðsmaðurinn Heiðar Helguson er einnig á mála hjá QPR sem er nú á toppi ensku B-deildarinnar.
