Redknapp og Ferguson sáttir

Harry Redknapp og Sir Alex Ferguson voru báðir nokkuð sáttir með stigið eftir viðureign Tottenham og Manchester United í dag. Leiknum lauk með markalausu jafntefli.

Bæði liðin vörðust vel, báðir miðverðirnir stóðu vaktina og héldu framherjunum í skefjum. Mér fannst við aðeins betra liðið í leiknum og ef einhver var líklegri til að skora vorum það við. Við gáfum allt í leikinn og þetta var mjög athyglisverður leikur án þess að vera nein klassík," sagði Redknapp.

Fyrirliði Tottenham tók í svipaðan streng. "Mér fannst við geta unnið eftir að þeir urðu manni færri. Þeir vörðust vel en við spiluðum vel líka, en erum vinsviknir að vinna ekki," sagði Dawson.

Ferguson sagði leikinn hafa verið erfiðan. "Þeir sköpuðu samt ekki mörg færi og við tökum það frá leiknum. Við vorum örlítið kærulausir með boltann en þetta er gott stig og við getum ekki kvartað. Varnarmennirnir okkar voru sérstaklega góðir," sagði Ferguson sem vildi ekki ræða rauða spjaldið sem Rafael fékk. "Þið sáuð hvað gerðist."