Allt í góðu milli Houllier og Pires

Gerard Houllier, stjóri Aston Villa, segir að það sé allt í góðu milli sín og Robert Pires. Leikmaðurinn er mjög ósáttur við hversu lítið hann hefur fengið að spila og er óhræddur að tjá sig um það.

Houllier segist ekkert hafa á móti því að leikmenn tjái sig.

"Ég held að orð hans hafi verið slitin úr samhengi. Við ræddum síðan saman og ég tjáði honum að mér þætti gott að hann væri ósáttur. Ég vil að menn séu ósáttir og vilji spila," sagði Houllier.

"Ef ég á að vera heiðarlegur byrjaði ég líklega að nota hann of snemma en hann er að koma til," sagði Houllier.

Pires fékk talsvert að spila í upphafi en gekk ekki vel, var settur á bekkinn og hefur fá tækifæri fengið upp á síðkastið.