Blackburn misnotaði tvær vítaspyrnur og Everton vann

Lánleysi Blackburn var algert er liðið mætti Everton á heimavelli í ensku úrvalsdeildinni í dag. Everton vann 1-0 sigur en leikmenn Blackburn misnotuðu tvær vítaspyrnur í leiknum.

Alls hófust þrír leikir klukkan 14.00 í dag. Swansea og Sunderland skildu jöfn í markalausum leik og þá vann Chelsea 2-1 sigur á Norwich, eins og má lesa um með því að smella hér.

Mikel Arteta tryggði Everton sigurinn með marki úr vítaspyrnu á 92. mínútu. Dómari leiksins, Lee Mason, dæmdi því alls þrjár vítaspyrnur í leiknum í dag.

David Hoilett og Mauro Formica misnotuðu vítaspyrnur Blackburn í leiknum. Tim Howard, markvörður Everton, varði frá Hoilett en Formica skaut í stöng. Blackburn hefur því tapað öllum þremur leikjum sínum í ensku úrvalsdeildinni til þessa.

Everton vann að sama skapi sinn fyrsta sigur í deildinni í dag og var hann kærkominn fyrir David Moyes og lærisveina hans.

Sunderland og Swansea eru bæði með tvö stig eftir fyrstu þrjár umferðirnar og bíða því enn eftir fyrsta sigrinum. Leikur liðsins í dag var heldur bragðdaufur.

Fylgst var með gangi mála hér á Vísi. Nægir að smella á leikina til að fá frekari upplýsingar um þá.

Staðan í ensku úrvalsdeildinni

Leikir dagsins:

14.00: Chelsea - Norwich 2-1

14.00: Blackburn - Everton 0-1

14.00: Swansea - Sunderland 0-0

16.30: Liverpool - Bolton (Sport 2 & HD)