Erfingi L'Oreal svipt sjálfræði

Dómstólar í Frakklandi hafa komist að því að hin vellauðuga Liliane Bettencourt verði svipt sjálfræði. Þetta var niðurstaðan í máli sem fjölskyldumeðlimir hennar höfðuðu gegn henni. Í úrskurði dómarans kom fram að andleg heilsa Bettencourt, sem er 88 ára gömul, væri í afar slæmu ástandi og að hún hefði ekki burði til að annast auðævi sín.

Dómarinn fyrirskipaði að Bettencourt yrði komið í umsjá fjölskyldumeðlima sinna.

Lögmaður Bettencourt sagði dóminn koma sér mjög á óvart.

Bettencourt verður komið í umsjón dóttur sinnar, Francoise Bettencourt-Meyers. Mikið ósamlyndi hefur verið milli mæðginanna undanfarin ár. Meyers mun hafa stjórn yfir auðævum móður sinnar.