Breskur leigubílstjóri gerður að múmíu

Hinsta ósk leigubílstjórans Alan Billis var heldur óvenjuleg. Billis þráði að vera gerður að múmíu eftir að hann félli frá.

Billis datt síðan í lukkupottinn þegar hann sá auglýsingu frá Breskri sjónvarpsstöð sem óskaði eftir að finna sjálfboðaliða sem vildi gefa líkama sinn til smurningar af forn-Egypskum sið. Billis skráði sig og nokkru seinna lést hann úr lungnakrabbameini. Smurningin var framkvæmd og fylgdust tökuvélar Channel 4 með herlegheitunum.

Smurningin tók nokkrar vikur og þegar henni var lokið var orðið ljóst að Billis var fyrsti maðurinn í rúm 3.000 ár sem gengist hefur undir smurningu.