Stjörnustríðsaðdáandi myrti eiginkonu sína

Rickie La Touche var fundinn sekur um að hafa myrt eiginkonu sína eftir að hún eyðilagði Stjörnustríðsleikföng hans. Hann var dæmdur í ævilangt fangelsi fyrir morðið.

La Touche, sem er þrítugur, sagði að eiginkona sína, Pornpilai Srisroy, hafi tætt leikföngin í sundur en hann hafði safnað þeim frá unga aldri.

Hann viðurkenndi að hafa kæft eiginkonu sína með kodda. Hann hljóp síðan grátandi til móður sinnar sem bjó í sömu götu.

La Touche sagði eiginkonu sína hafa kúgað sig. Þegar hún hafi skemmt leikföngin hafi hann einfaldlega fengið nóg.