Chris Eagles á leið til Everton

Enskir fjölmiðlar greina frá því í dag að Chris Eagles sé líklega á leið til Everton frá enska B-deildarliðinu Burnley.

Kaupverðið er sagt vera um 1,5 milljónir punda en Eagles er 25 ára miðvallarleikmaður.

Hann mun skrifa undir fjögurra ára samning við Everton og er sagður eftirmaður David Bentley sem Everton hefur lánað til Tottenham.

Eagles ólst upp hjá Watford og Manchester United en fór frá síðarnefnda liðinu til Burnley árið 2008. Hann hefur spilað næstum 100 leiki með Burnley síðan þá en liðið féll úr ensku úrvalsdeildinni í vor.