Anderson á glænýrri kerru í Íslandsjakka

Brasilíumaðurinn Anderson, leikmaður Manchester United, virðist vera hrifinn af íslenska fánanum af klæðaburði hans að dæma.

Á vef enska götublaðsins The Sun má lesa frétt um kappann þar sem hann er á glænýjum bíl, Mercedes SLS sem er sagður kosta um 30 milljónir króna.

En það sem vakti athygli Vísis er að á myndinni sem fylgir fréttinni sést Anderson klæddur í jakka með íslenska fánanum á erminni. Fréttina má lesa hér.

Anderson slapp með naumindum í ágúst síðastliðnum er hann klessukeyrði Audi A8-bifreið sína í Portúgal.