Bridge lánaður til West Ham

Enski bakvörðurinn Wayne Bridge hefur verið lánaður frá Manchester City til West Ham til loka tímabilsins.

Bridge var í stúkunni þegar að West Ham vann 2-1 sigur á Birmingham í ensku deildabikarkeppninni fyrr í vikunni gæti spilað sinn fyrsta leik með West Ham gegn Arsenal í ensku úrvalsdeildinni á laugardaginn.

„Það verður frábært að fá að taka þátt í því verkefni að halda West Ham uppi í ensku úrvalsdeildinni," sagði Bridge í samtali við enska fjölmiðla.

Bridge gekk til liðs við City í janúar árið 2009 en hefur aðeins komið við sögu í þremur leikjum með liðinu á tímabilinu. Hann hefur verið undir í keppni við Pablo Zabaleta og Aleksandar Kolarov um stöðu í liðinu.

Hann er kærkominn liðsstyrkur fyrir West Ham þar sem að eini leikmaður West Ham sem sérhæfir sig í stöðu vinstri bakvarðar, Herita Ilunga, meiddist í leik gegn Everton í lok desember.

Talið er að samningur Bridge við City tryggi honum um 90 þúsund pund í vikulaun en óvíst er hversu mikið West Ham þarf að greiða af þeim.