Erlent

Aftökunni frestað á elleftu stundu

Jón Hákon Halldórsson skrifar
Fjöldi fólks hefur krafist þess að lífi Davis yrði þyrmt.
Fjöldi fólks hefur krafist þess að lífi Davis yrði þyrmt. Mynd/ AFP.
Aftöku Troy Davis, sem fara átti fram nú í kvöld, í fangelsi í Georgíu í Bandaríkjunum, var frestað á elleftu stundu. Ástæðan er sú að Hæstiréttur í Bandaríkjunum ákvað að taka sér frest til þess að skoða betur hvort taka ætti upp mál Davis að nýju.

Árið 1991 var Davis dæmdur til dauða fyrir að hafa myrt lögreglumann árið 1989. Efasemdir hafa komið upp um framburð vitna og mörg þeirra hafa raunar dregið frásagnir sínar til baka eftir að dómurinn var kveðinn upp. Þá hafa engar DNA vísbendingar gefið vísbendingar um að Davis sé hinn seki.

Því þykir mikill efi leika á því hvort Davis sé sekur.


Tengdar fréttir

Troy Davis tekinn af lífi í Georgíu þrátt fyrir allt

Troy Davis sem dæmdur hafði verið fyrir morð á lögreglumanni í Georgíu í Bandaríkjunum árið 1989 var tekinn af lífi í gærkvöldi. Aftökunni var frestað á elleftu stundu í gærkvöldi, en aðeins um nokkra klukkutíma og fregnir af því að Hæstiréttur Bandaríkjanna hefði skorist í leikinn voru ekki á rökum reistar. Árið 1991 var Davis dæmdur til dauða en efasemdir hafa komið upp um framburð vitna og mörg þeirra höfðu raunar dregið frásagnir sínar til baka eftir að dómurinn var kveðinn upp. Davis sjálfur hélt ætíð fram sakleysi sínu.

Mest lesið


Fleiri fréttir

Sjá meira


×

Mest lesið