Kína vill engin afskipti af Sýrlandi

Kínverjar eru óánægðir með hinn alþjóðlega þrýsting sem hlaðist hefur á forseta Sýrlands, Bashar al-Assad. Síðustu daga hafa þjóðhöfðingjar hinna ýmsu landa krafist þess að Assad láti af völdum í Sýrlandi.

„Framtíð Sýrlands á að vera ákveðin af Sýrlendingum sjálfum," sagði talsmaður utanríkisráðuneytis Kína í yfirlýsingu í dag. Hann hvatti þó til þess að báðir aðilar myndu láta af ofbeldi í landinu.

Kínverjar hafa tekið virkan þátt í atburðum síðustu vikna í Líbíu. Þeir hafa hins vegar nokkrum sinnum beðið alþjóðasamfélagið að skipta sér ekki af Sýrlandi og varast sjálfir að flækjast ekki í atburðarásina.