Beckham líklega ekki til Tottenham

David Beckham mun væntanlega ekki spila fyrir Tottenham á tímabilinu. Harry Redknapp telur tímasóun að reyna að fá hann í nokkrar vikur.

Los Angeles Galaxy vill fá Beckham aftur þann 10. febrúar. Fyrsti leikur þess á tímabilinu er 15. febrúar.

Það þýðir að Beckham gæti aðeins tekið þátt í örfáum leikjum Tottenham sem hann hefur æft með undanfarið.

"Að hafa hann til 10. febrúar væri tímasóun. Þegar hann verður kominn í form væru þetta bara tvær vikur," sagði Redknapp sem vildi reyndar hafa Beckham fram á sumarið.

Eðlilega vill Galaxy það ekki og býst við honum í byrjun febrúar.