Hillary Clinton heimsækir Líbíu

Utanríkisráðherrann Hillary Clinton hefur boðið bráðabirgðastjórninni í Líbíu stuðning Bandaríkjanna.

Clinton sagði Bandaríkin vera reiðubúin að hjálpa við hjúkrun þeirra sem særst hafa í átökunum í landinu, ásamt því að aðstoða við að koma vopnum í öruggt skjól.

Hún sagði að bráðabirgðastjórnin yrði að koma í veg fyrir hefndaraðgerðir gegn stuðningsmönnum Gaddafi, fyrrum einræðisherra Líbíu. Clinton sagði einnig að skipulag byltingarhermanna væri ábótavant og yrði að bæta.